Ҷумҳурии Африқои Ҷанубӣ (АҶ) мехоҳад бо иштирок дар машқҳои муштарак бо Федератсия Русия сатҳи омодагии низомии кишварро барои ҳимояи худ баланд бардорад. Дар ин бора ба РИА Новости вазири корҳои хориҷии ин кишвари африқоӣ Наледи Пандор изҳор дошт.
Вай афзуд, ки Африқои Ҷанубӣ кӯшиш мекунад, ки аз ҳамкорӣ бо давлатҳое, ки дорои «сатҳи баланди малакаҳо ва таҷҳизоти низомӣ» ҳастанд, манфиат гиранд, ки барои ҳайати шахсӣ ва нерӯҳои низомии ин кишвари африқоӣ низ муфид хоҳад буд.
Африқои Ҷанубӣ, Русия Ва Чин нақша доранд, ки моҳи феврали соли ҷорӣ дар минтақаи обии Африқои ҷанубӣ дуввумин машқҳои муштараки баҳриро баргузор кунанд. Аввалин чунин машқҳо дар обҳои Африқои Ҷанубӣ моҳи ноябри соли 2019 баргузор шуданд.
