Аз нигоҳи ихроҷи газҳои гулхонаӣ бахши энержии Тоҷикистон яке аз тозатарин соҳаҳо дар ҷаҳон аст. Дар ин бора дар гузориши нави Бонки Осиёии Рушд дар бораи дурнамои рушди энержӣ дар кишварҳои Осиёи Марказӣ, Қафқоз, Муғулистон, Покистон ва Чин гуфта мешавад.
Нашрия қайд мекунад, ки гидроэнергетика пояи системаи энергетикии Тоҷикистон буда, қариб 93%-и тавлиди он ва ҳудуди 90%-и иқтидори муқарраршударо ташкил медиҳад.
Таъкид мешавад, ки Тоҷикистон истихроҷи ангишти дохилиро босуръат афзоиш дода, дар соли 2017 ба 1 миллиону 700 ҳазор тонна расидааст, ки нисбат ба соли 2010 қариб 10 маротиба бештар аст. Инчунин кайд карда мешавад, ки дар республика аз хисоби захирахои ночиз истехсоли дохилии нефту гази табий ночиз аст.
