Варзишгари Тоҷикистон Меҳроҷ Камолов дар чемпионати кушоди ҷиу-ҷитсу чаҳор медали тилло ба даст овард.
Кумитаи кор бо ҷавонон ва варзиши Ҷумҳурии Тоҷикистон хабар дод, ки мусобиқа аз 6 то 8 январи соли ҷорӣ дар шаҳри Гуанҷоуи Ҷумҳурии Мардумии Чин баргузор шуд.
Меҳроҷ Камолов дар ду вазн – 80 кг дар намуди ҷиу-ҷитсу ва 82 кг дар намуди Гран-при баромад карда, чаҳор медали тилло ба даст овард.
Рӯзи 13 январ варзишгар ба Ватан баргашт. Дар фурудгоҳи пойтахт ӯро роҳбарияти Федератсияи ҷу-ҷитсуи Тоҷикистон, рӯзноманигорон ва мухлисон пешвоз гирифтанд.
