Шахси номаълум ба сӯи маросими дафн дар наздикии яке аз калисоҳои Лондон тир кушода, дар натиҷа шаш нафар маҷрӯҳ шуданд. Дар ин бора рӯзи шанбеи 14 январ аз паёми полиси метрополитен дар Твиттер маълум шуд.
Пулис афзуд, ки дар миёни қурбониён як духтари ҳафтсола низ ҳаст, ки дар бемористон дар ҳолати вазнин қарор дорад. Як духтари 12-солаи дигар аз пояш каме захмӣ шуда, пас аз расондани ёрии зарурӣ аз бемористон ҷавоб шудааст. Ҳамчунин чаҳор зани 21, 41, 48 ва 54 сола захмӣ шудаанд. Вазъи се нафари онҳо мӯътадил арзёбӣ мешавад, менависад Daily Mail.
Тибқи маълумоти пешакӣ, тирандоз дар ҳоле аз мошини ҳаракаткунанда оташ кушода, кафтарҳои сафеди сулҳро ба раҳпаймоён раҳо карда, баъд аз он аз ҷойи ҳодиса фирор кардааст. Пулис дар робита ба ин ҳодиса тафтишоти фаврӣ анҷом медиҳад, ҳамлагар ҷустуҷӯ мешавад ва минтақаи назди калисо муҳосира шудааст.
