Дар вилояти Суғд китоби тозаи «Фарҳанги истилоҳоти ирфонӣ ва тафсири арабии ашъори Камоли Хуҷандӣ» аз чоп баромад.
Китоби чопшуда бо талоши як гурӯҳ муаллифон – кормандони Муассисаи давлатии «Маркази илмии Камол Хуҷандӣ» Абдулҳаким Ғафуров, Баҳром Раҳматов, Иззатбек Шеҳимов ва Абдураҳим Ҳоҷибоев омода шудааст.
Ба гуфтаи раиси ин муассиса Баҳром Раҳматов, Шайх Камол аз маъруфтарин чеҳраҳои адабӣ ва ирфонӣ буда, ашъори ӯ дар партави ашъор ва осори рамзии ҳакимони пешин суруда шудааст. Вай дар баробари ин дар намунахои афкори шоирй бисьёр масъалахои назариявй ва амалии донишро такмил ва васеъ намуд. Аз ин рӯ, баррасии решаҳои ирфонӣ ва афкори шоирии ӯ яке аз масъалаҳои муҳими омӯзиши мероси Камол буда, марҳалаи тозае дар пажӯҳиши назм ва ҳамчунин ғояҳои шоир аст.
Китоби «Фарҳанги истилоҳоти ирфонӣ ва тафсири арабии ашъори Камоли Хуҷандӣ» тафсир ва тафсири 52 истилоҳоти ирфонӣ ва арабиро дар бар гирифта, аз 268 саҳифа иборат аст.
Дар ин бора АМИТ «Ховар» бо истинод ба дафтари матбуоти раиси вилояти Суғд хабар медиҳад.
