Вазорати хориҷаи Бритониё рӯзи 14 январ гуфт, Бритониё сафири худро аз Эрон муваққатан бозхонд ва ҳамчунин ба баррасии чораҳои дигар алайҳи Теҳрон шурӯъ кардааст.
Ба гуфтаи Ҷеймс Клеверлӣ, вазири умури хориҷаи Бритониё, ин тасмим дар пасманзари эъдоми як шаҳрванди бритониёии эронӣ, муовини собиқи вазири дифоъ Алиризо Акбарӣ дар Эрон гирифта шудааст.
Вазири хориҷаи Бритониё ҳамчунин таъкид кард, ки Лондон иқдомоти дигаре алайҳи Эронро баррасӣ мекунад.
Матбуоти Эрон рӯзи шанбе гузориш дод, ки мақомоти Эрон ҳукми эъдомро алайҳи Алиризо Акбарӣ, ки дар ҷосусӣ барои хадамоти кашфи Бритониё муҷрим дониста шуда буд, иҷро кардаанд. Бритониё қаблан аз Эрон хостааст, ки ҳукми эъдомро лағв кунад.
