Ширкатҳои IT-и Русия қасд доранд дар иҷрои барномаҳои рақамисозии идоракунии шаҳрҳои Душанбе ширкат кунанд. Дар ин бора Семён Григорьев, сафири Русия дар Тоҷикистон рӯзи панҷшанбе зимни мулоқот бо Ҷамшед Табарзода, муовини аввали раиси пойтахти Тоҷикистон хабар дод.
Ҷонибҳо таъкид карданд, ки «ҳамкориҳои байниминтақавӣ ва байнимунисипалӣ ҷузъи муҳими шарикӣ ва иттифоқи стратегии Русия ва Тоҷикистон аст», – омадааст дар хабарнома.
Моҳи сентябри соли гузашта намояндаи тиҷоратии Федератсияи Русия дар Тоҷикистон Евгений Коренков аз фаъол шудани ҳамкориҳои кишварҳо дар бахши IT хабар дода буд. Ба гуфтаи ӯ, рақамисозӣ дар бахши давлатии Тоҷикистон дар солҳои ахир бар пояи нармафзори русӣ ва аз сӯи мутахассисони рус амалӣ мешавад. Аз ҷумла, ин ба ҳукумати электронӣ дар ҷумҳурӣ дахл дорад, ки дар заминаи меморандуми ҳамкорӣ дар соли 2020 миёни Хадамоти алоқаи назди ҳукумати Тоҷикистон ва ширкати «МегаФон Тоҷикистон» ба имзо расидааст.
АКС: аз манбаъҳои кушода
