Дирӯз дар Сафорати Ҷумҳурии Тоҷикистон дар Федератсияи Русия ҷаласаи гурӯҳи корӣ оид ба васоити ахбори оммаи Шӯрои ҷамъиятӣ дар Сафорат баргузор гардид. Зимни вохӯрӣ масъалаҳои таҳияи нишони Шӯро, бо истифода аз роҳу усулҳои муосири иттилоотӣ тавассути вебсайти ягонаи расмӣ, шабакаҳои иҷтимоӣ, ҳамкорӣ бо ВАО ва дигар масъалаҳои вобаста ба он баррасӣ гардиданд.
Дар ҷаласа инчунин фаъолияти гурӯҳи корӣ дар соли 2022 таҳлил ва баррасӣ гардида, нақшаи семоҳаи аввали соли 2023 қабул гардид. Дар ҷаласа котиби Шӯро, аъзои котибот, роҳбарони гурӯҳҳои корӣ, гурӯҳи корӣ бо иштироки васоити ахбори омма ва онлайн ширкат варзиданд.
Дар ин бора ба АМИТ «Ховар» бо истинод ба Шӯрои ҷамъиятии Сафорати Тоҷикистон дар Русия хабар медиҳад.
