Дар Тоҷикистон дар ин ҳафта қимати гази моеъ ба таври қобили мулоҳиза коҳиш ёфтааст. Дар бисёре аз нуқтаҳои фурӯши сӯзишвории Душанбе ин навъи сӯзишворӣ барои як литр 3,8-3,9 сомонӣ фурӯхта мешавад. Ҳафтае пеш як литр гази моеъ 4,8 сомонӣ арзиш дошт.
Воридкунандагони ин навъи сӯзишворӣ коҳиши қиматро ба афзоиши қобили мулоҳизаи воридоти гази моеъ аз Русия ва Қазоқистон марбут медонанд.
Ба гуфтаи ниҳодҳои марбута, дар Тоҷикистон дастикам 60 дарсади мошинҳо аз гази моеъ истифода мекунанд, ки ин ба арзон будани он нисбат ба бензину дизел вобаста аст.
Масалан, нархи бензини АИ-95 8-8,2 сомонӣ, АИ-92 7,6-7,8 сомонӣ, сӯзишвории дизелӣ 12 сомонӣ барои як литр фурӯхта мешавад.
АКС: аз манбаъҳои кушода
