Хадамоти амнияти давлатии Латвия (VDD) як блогеро, ки дар ТикТок аз Русия ҳимоят мекард, боздошт кардааст. Дар ин бора рӯзи 9 январ дар вебсайти расмии ин идора хабар дода шудааст.
Тавре дар нашрия омадааст, боздошт рӯзи 4 январ сурат гирифтааст. Хадамоти амният низ кофтуков анҷом дод, ки дар натиҷа «барандаҳои иттилоотӣ» мусодира карда шуданд. Гумонбаршуда дар ошкоро сафед кардани ҷиноятҳои зидди сулҳ ва барангехтани кинаю адовати миллӣ муттаҳам мешавад.
Гумонбаршуда барои пардохти гарав ба маблағи 3,5 ҳазор евро талаб карда шуд, тафтишоти парвандааш идома дорад.
Номи боздоштшуда ифшо нашудааст, аммо портали хабарии латвияи Delfi маълумотро паҳн кардааст, ки ин блогер Эдгарс Бладер, маъруф бо лақаби rayblackfalken аст.
