Фоидаи амалиётии ширкати Samsung-и Кореяи Ҷанубӣ дар семоҳаи чоруми соли 2022 69% коҳиш ёфта, ба сатҳи пасти ҳаштсола расид. Сабаби кам будани талабот ба чипҳо ва смартфонҳо буд, гуфта мешавад дар вебсайти ширкат.
Аз моҳи октябр то декабри соли гузашта фоидаи амалиётии Samsung 3,4 миллиард доллар ва дар соли 2021 ин рақам дар ҳамин давра 10,8 миллиард доллар буд. Дар семоҳаи сеюми соли 2022 даромади амалиётии ширкат 8,5 миллиард долларро ташкил дод.
Ба иттилои Yonhap, барои аввалин бор аз соли 2014, фоидаи амалиётии Samsung дар семоҳа камтар аз 3,9 миллиард долларро ташкил дод. Дар тӯли тамоми сол, даромади амалиётӣ 16% коҳиш ёфта, то 33,8 миллиард доллар пешбинӣ шудааст.
Samsung гуфт, ки фурӯши чипҳо дар шароити номуайяни тиҷорати беруна, бо талаби ками операторони сервер, марказҳои маълумот ва истеҳсолкунандагони телефон коҳиш ёфт.
