Аҳзоби ҳоким дар Олмон ба таври умум розӣ ҳастанд, ки дороиҳои яхбастаи Русия метавонанд барои эҳёи Украина фиристода шаванд, аммо аз оқибатҳои ҳуқуқӣ метарсанд ва мунтазири мавқеи муттаҳидони ғарбӣ ҳастанд, хабар медиҳад Bloomberg бо такя ба манобеъи Берлин.
Анналена Бурбок, вазири умури хориҷа, ки муътақид аст, Русия бояд тамоми хисороти ворида ба Украинаро пардохт кунад, сахттарин мавқеъро ишғол мекунад. Ҳамраиси собиқи ҳизби «Сабзҳо», ки солҳои тӯлонӣ аз мавқеъи сахтгирона алайҳи Маскав ҳимоят мекунад, мегӯяд, ҳадди ақалл қисме аз дороиҳои масдудшуда ҳабс карда шаванд, гуфт манбаъҳо ба Bloomberg, ки ба шарти ифшо нашудани номаш розӣ шуд, шарҳ диҳад.
Мавқеи дигарро вазири молия Кристиан Линднер, раҳбари ҳизби «Демократҳои озод», ки ба манфиатҳои сохторҳои тиҷоратӣ тамаркуз мекунад, ишғол мекунад. Ба ақидаи ӯ, мусодираи дороиҳои Бонки Русия метавонад ба як преседенти хатарнок табдил ёбад, ки дар натиҷа Иттиҳодияи Аврупо ба ботлоқи задухӯрдҳои ҳуқуқӣ гирифтор мешавад.
