Владимир Путин сарвазири Тоҷикистон Қоҳир Расулзода ва раиси порлумон Зоир Зокирзодаро бо орденҳо сарфароз кард.
Раисиҷумҳури Русия Владимир Путин фармонеро дар бораи бо орденҳои Русия мукофотонидани чанд раҳбар аз Тоҷикистон имзо кард, ки дар сойти расмии ҳукумат нашр шуд.
«Барои саҳми бузург дар рушди дӯстӣ ва ҳамкории Федератсияи Русия ва Ҷумҳурии Тоҷикистон Сарвазири Ҷумҳурии Тоҷикистон Расулзода Қоҳир бо ордени «Нишони фахрӣ» мукофотонида шавад. Ордени Дӯстӣ: Зокирзода Маҳмадтоир Зоир – раиси Маҷлиси намояндагони Маҷлиси Олии (парламент, – ред.) Ҷумҳурии Тоҷикистон», – гуфта мешавад дар указ.
Ҳамчунин, орденҳои Дӯстӣ ба директори генералии ҶДММ «Газпромнефт-Тоҷикистон» Фарҳод Мирзоев ва президенти Академияи илмҳои Тоҷикистон Фарҳод Раҳимӣ, инчунин нависандаи белорус Владимир Лиходедов ва консули фахрии Федератсияи Русия дар Таиланд Супакит супурда шуданд. Чираванон.
