Туркия ба ҳеҷ чиз «ба зиёни бародарони суриягии худ» иҷозат намедиҳад. Дар ин бора Ҳулусӣ Акар, вазири дифоъи миллии Туркия рӯзи панҷшанбеи 29 декабр изҳор дошт.
Музокироти сеҷониба дар Маскав миёни раҳбарони вазоратҳои дифоъи Русия, Туркия ва Сурия баргузор шуд. Вазорати дифои Русия таъкид кард, ки дар онҳо роҳҳои ҳалли бӯҳрони Сурия ва мушкили паноҳандагон, талошҳои муштарак барои мубориза бо гурӯҳҳои ифротгаро дар қаламрави Ҷумҳурии Сурияи Араб баррасӣ шуданд.
Тавре хабар дода шуд, мулоқот дар фазои созанда сурат гирифта, ҷонибҳо ба тавофуқ расиданд, ки мулоқотҳо дар шакли сеҷониба ба манзури таъмин ва ҳифзи субот дар Сурия ва дар маҷмӯъ минтақаро идома диҳанд.
Газетаи «Hürriyet» кайд мекунад, ки ин аввалин гуфтушуниди расмии Туркия ва Сурия дар 11 соли охир буд.
