Раисиҷумҳури Молдова Майя Санду аз қатъи комили ҳамкориҳои мақомоти ин кишвар ва раҳбарияти Русия хабар дод. Вай дар ин бора дар эфири шабакаи телевизионии «Молдова-1» хабар дод.
Сиёсатмадор қайд кард, ки дар ҷараёни маъракаи интихоботиаш ҳизби ҳокими «Амал ва ҳамраъйӣ»-и Молдова аз рушди равобит бо Русия пуштибонӣ мекард, аммо ба далели низоъ дар Украина мавқеи ин кишвар тағйир ёфт. «Ҳоло равобит бо раҳбарияти Русия дар ҳама сатҳҳо қатъ шудааст.», — гуфт Санду.
Вай таъкид кард, ки авлавияти сиёсати хориҷии Молдова ҳамгироии аврупоист. «Ман намедонам, ки ҳукумат чӣ нақша дорад, ман шахсан фикр мекунам, ки Молдова бояд то охири ин даҳсола узви Иттиҳоди Аврупо шавад», — кайд намуд Президенти республика.
