Вазирони корҳои хориҷии Тоҷикистон ва Ҷопон Широҷиддин Муҳриддин ва Ёшимаса Ҳаяшӣ барномаи ҳамкориҳои байниидоравӣ барои се соли ояндаро имзо карданд. Чунин иттилоъро дар пайи мулоқоти онҳо рӯзи шанбе Департаменти иттилоот ва матбуоти Вазорати корҳои хориҷии Тоҷикистон хабар дод.
Бино ба иттилои вазорат, вазирон доир ба вазъи кунунӣ ва дурнамои рушди муносибатҳои ду кишвар табодули назар карданд. Ҷонибҳо ҳамчунин ҳамкориҳоро дар чаҳорчӯби «Муколамаи Осиёи Марказӣ + Ҷопон» баррасӣ карданд.
Сардори намояндагии дипломатии Тоҷикистон бо як сафари корӣ дар Ҷопон қарор дорад, ки дар ҷаласаи муштараки вазирони корҳои хориҷии кишварҳои Осиёи Марказӣ бо Ассотсиатсияи Гурӯҳи дӯстии кишварҳои Осиёи Марказӣ ва Ҷопон, дар ҷаласаи 9-уми намояндагони кишварҳои хориҷӣ вазирони «Муколамаи Осиёи Марказӣ + Ҷопон», инчунин бо сарвазири Ҷопон Фумио Кишида мулоқот анҷом доданд.
АКС: аз манбаъҳои кушода
