Дар Тоҷикистон бар асоси ташхисҳои лабораторӣ тайи ду рӯзи ахир мизони зукоми мавсимӣ коҳиш ёфтааст, аммо ба сокинон тавсия дода мешавад, ки ҳангоми зуком ниқоб пӯшанд, то ба атрофиён сироят накунанд. Дар ин бора сардори Раёсати амнияти санитарию эпидемиологӣ, ҳолатҳои изтирорӣ ва ёрии таъҷилии тиббии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Наврӯз ҶАФАРОВ хабар дод.
Наврӯз Ҷаъфаров ҳамчунин қайд кард, ки имсол дар Тоҷикистон ягон сирояти коронавирус расман ба қайд гирифта нашудааст, вале барои пешгирии ин беморӣ дар кишвар эмгузаронӣ идома дорад. Бемориҳои роҳҳои нафас тақрибан як аломат доранд. Дар сурати якбора баланд шудани ҳарорати бадан – аз 38,0 то 40-41 дараҷа, заифии шадиди умумӣ ё дарди мушакҳо ва буғумҳо аз сокинон хоҳиш карда мешавад, ки ба ёрии кормандони соҳаи тиб муроҷиат кунанд ва ё духтурро ба хона даъват кунанд.
