Шурӯъ аз соли оянда дар Душанбе Гран-прии Федератсияи байнулмилалӣ – IJF баргузор мешавад.
Бо ҳамкории мутақобилаи Федератсияи ҷаҳонӣ ва Федератсияи дзюдои Тоҷикистон ва бо ташаббус ва дастгирии бевоситаи Рустами Эмомалӣ тасмим гирифта шуд, ки солҳои 2023-2026 мусобиқаҳои силсилаи Гран-при баргузор шаванд.
Рӯзҳои наздик гуфтушунидҳо баргузор шуда, созишнома дар бораи баргузории мусобиқа ба имзо мерасад. Илова бар ин, аллакай корҳои дигар барои баргузории мусобиқаи ҷаҳонии дзюдо дар Тоҷикистон оғоз шудааст.
Дар хотир доред, ки чанде пеш дар Загреб мусобиқаи Гран-при баргузор шуд. Дар он 8 нафар варзишгарони тоҷик ширкат доштанд. Аммо онҳо натавонистанд медалҳоро гиранд. Дзюдочиён метавонистанд хол ба даст оранд. Барои ҷойи аввал – 700, барои дуюм – 490 ва барои ҷойи сеюм – 350 хол.
Гран-при оид ба дзюдо ҳар мавсим дар кишварҳои мухталифи ҷаҳон дар доираи сафари ҷаҳонии дзюдо баргузор мешавад. Пеш аз Бозиҳои олимпӣ, баъзе Гран-приҳо метавонанд мусобиқаҳои литсензионӣ дошта бошанд, ки дар онҳо ба дзюдочиён дар рейтинги олимпӣ холҳо дода мешаванд. Дар ин мусобиқа беш аз 300 дзюдочӣ аз беш аз 30 кишвари ҷаҳон ширкат мекунанд.
АКС: аз манбаъҳои кушода
