Тоҷикистон ва Покистон ҷонибдори таъсиси ҳукумати фарогир дар Афғонистон мебошанд. Дар ин бора Эмомалӣ Раҳмон, раисиҷумҳури Тоҷикистон, рӯзи чаҳоршанбе пас аз мулоқот бо нахуствазири Покистон Шаҳбоз Шариф изҳор дошт.
«Мо аз ҳама бештар ба барқарории сулҳу субот ва ваҳдати миллӣ дар сарзамини азияткашидаи Афғонистон манфиатдорем, таъкид кард Эмомалӣ Раҳмон, раисиҷумҳури Тоҷикистон дар нишасти матбуотӣ дар Исломобод. – Дар ин замина зарурати таъсиси ҳукумати фарогир дар Афғонистон бо дарназардошти иштироки васеи нерӯҳои сиёсӣ ва этникӣ таъкид шуд.».
«Мо инчунин аз талошҳои созанда дар сатҳи байналмилалӣ ва минтақавӣ дастгирӣ кардем», – афзуд Эмомалӣ Раҳмон. Вай таъкид кард, ки Тоҷикистону Покистон дар масоили умдаи байнулмилалӣ ва минтақавӣ мавқеъи муштарак ё ба ҳам монанд доранд.
Раисиҷумҳури Тоҷикистон таъкид кард, ки дар мулоқот бо Шариф масоили ҳамкориҳо дар заминаи амниятро ба таври муфассал баррасӣ кардаанд. «Мо тааҳҳуди худро барои идомаи муборизаи муштарак ба хатару таҳдидҳои муосир таъкид кардем», – гуфт Эмомалӣ Раҳмон, раисиҷумҳури Тоҷикистон.
АКС: ariananews.af
