Як рӯз пеш дар Душанбе Сулаймон Султонзода, директори Агентии назорати давлатии молиявӣ ва мубориза бо коррупсияи Тоҷикистон бо Камран Байрам Алиев, додситони кулли Озарбойҷон мулоқот кардааст.
Бино ба иттилоъи маркази матбуъотии ожонси мубориза бо фасод, дар ин дидор тавсеъаи ҳамкориҳои Тоҷикистону Озарбойҷон дар заминаи мубориза бо фасод баррасӣ шуд.
Гуфта мешавад, ки Созишнома миёни Агентии назорати давлатии молиявӣ ва мубориза бо коррупсияи Тоҷикистон ва Додситонии кулли Озарбойҷон дар бораи муборизаи муштарак бо фасод ба имзо расид.
Ба гуфтаи ин манбаъ, ин тавофуқнома ба тарафҳо имкон медиҳад, ки ҳамкории зич ба роҳ монда, муборизаи муштарак бо фасодро тақвият бахшанд.
АКС: аз манбаъҳои кушода
