Интихоботи миёндавраии имсолаи ИМА ҳамчун «идомаи аҷиби сабқати охирини президентӣ – ва потенсиали интихоботи оянда» эҳсос мешавад, менависад The Hill. Дар ҳамин ҳол, назарсанҷиҳо нишон медиҳанд, ки аксарияти намояндагони ҳарду ҳизб намехоҳанд, ки президенти пешин Доналд Трамп ё раисиҷумҳури феълӣ Ҷо Байден дар интихоботи президентии соли 2024 пешбарӣ шаванд, гуфта мешавад дар мақола.
Як назарсанҷии нав, ки рӯзи чаҳоршанбе нашр шуд, нишон медиҳад, ки 62 фоиз дарсади ҷумҳурихоҳони сабтиномшуда ва ҷонибдорони Ҳизби ҷумҳурихоҳ гуфтаанд, ки мехоҳанд ба ҷуз Трамп номзади дигареро аз ин ҳизб бубинанд. Дар ҳоле ки 59 фоиз демократҳои сабтиномшуда ва ҷонибдорони Ҳизби демократ дар бораи Байден ақидаи шабеҳ доранд, гузориш медиҳад The Hill.
Дар ҳамин ҳол, тақрибан 38 фоиз шумораи умумии ҷумҳурихоҳон, ки ҷонибдори номзадии ҳизби худ ба ҷои Трамп каси дигар мебошанд, бартарӣ медиҳанд, ки губернатори Флорида Рон ДеСантисро ҳамчун номзади қобили қабул бинанд, гуфта мешавад дар мақола. Ин назарсанҷӣ бо ташаббуси CNN аз 1 то 7 декабр бо иштироки 1208 пурсидашуда гузаронида шуд, шарҳ медиҳад The Hill.
