Рӯзи 13 декабр ширкати ҳавопаймоии «Сомон Эйр» нахустин парвозро аз Душанбе ба Исломобод анҷом дод. Дар ин бора ба АМИТ «Ховар» бо истинод ба хадамоти матбуоти ширкати ҳавопаймоӣ хабар медиҳад.
Дар доираи барномаи тавсеаи шабакаи хатсайрҳо, ширкати ҳавопаймоии «Сомон Эйр» ба нақша гирифтааст, ки дар ояндаи наздик ба таври мунтазам ба Покистон парвоз кунад, ки ин як даври нав дар рушди муносибатҳои дуҷониба хоҳад буд.
Имсол аз барқарории равобити дипломатӣ миёни Ҷумҳурии Тоҷикистон ва Ҷумҳурии Исломии Покистон 30 сол пур мешавад. Ифтитоҳи хатсайри мустақим дар ин соли муҳим ба таҳким ва тавсеаи ҳамкориҳои дуҷониба дар бахшҳои фарҳангӣ, гуманитарӣ, иқтисодӣ, тиҷоратӣ ва сайёҳӣ равона шудааст.
Вақти сафар аз Душанбе то Исломобод 90 дақиқа буда, парвозҳо бо ҳавопаймоҳои бароҳати Боинг 737-800 ва Боинг 737-900 анҷом дода мешаванд. Душанбе ва Исломобод дар як минтақаи вақт қарор доранд ва барои иваз кардани хатти мусофирбар зарурат нест.
