Рӯзи 13 декабр дар шаҳри Хуҷанд дар вазъияти тантанавӣ ба 60 нафар занони ҳунарманди вилояти Суғд 420 ҳазор сомонӣ супорида шуд. Дар ин бора аз мақомоти иҷроияи ҳокимияти давлатии вилоят хабар доданд.
Дар доираи эълони Солҳои рушди саноат дар соли ҷорӣ барои дастгирӣ ва рушди ҳунарҳои мардумӣ 15 грант ба маблағи 10 ҳазор сомонӣ, 15 грант ба маблағи 8 ҳазор сомонӣ ва 30 грант ба маблағи 5 ҳазор сомонӣ ҷудо карда шуд.
Ба комиссияи грантии раиси вилоят 104 дархост барои рушди ҳунармандӣ пешниҳод гардида, беҳтарин лоиҳаҳо дастгирӣ ёфтанд.
Бонувони ҳунарманд ният доранд, ки аз маблағи грантӣ фаъолияти худро васеъ намуда, аз 10 то 20 нафар занону духтаронро бо ҷойи кор таъмин намоянд.
АКС: аз манбаъҳои кушода
