Музаффар Ҳусейнзода, муовини вазири корҳои хориҷии Ҷумҳурии Тоҷикистон, рӯзи 11 декабр дар 12-умин нишасти муовинони вазирони корҳои хориҷии кишварҳои Осиёи Марказӣ ширкат ва суханронӣ кард.
Муовини вазир зимни суханронии худ доир ба аҳамияти муборизаи муштарак бо таҳдиду хатарҳои замони муосир, аз ҷумла терроризму ифротгароӣ, гардиши ғайриқонунии маводи мухаддир, ҷиноятҳои муташаккил ва мушкилоти марбут ба тағйирёбии иқлим ибрози назар намуд.
М.Хусейзода ба ҳозирин аз талошҳои Ҳукумати Тоҷикистон ҷиҳати таҳкими муколама, бахусус дар чаҳорчӯби Маркази минтақавии СММ оид ба дипломатияи пешгирикунанда барои Осиёи Марказӣ (ММДПОМ) ҷиҳати дарёфти роҳҳои муассири муқовимат бо таҳдидҳои дар боло зикршуда маълумот дод.
Ҳамчунин таваҷҷуҳи ҳозирин ба «Раванди Душанбе дар мубориза бо терроризм» ва рӯйдодҳои байналмилалӣ дар чаҳорчӯби ин раванд ҷалб карда шуд.
АКС: Вазорати корхои хоричии Туркманистон, Ашкобод
