Рӯзи душанбе дар бинои Донишгоҳи Русияву Тоҷикистон (славянӣ) дар шаҳри Душанбе ҳамоиши байналмилалии «Забони русӣ дар низоми мактаб: чолишҳо ва нуқтаҳои рушд» ба кори худ оғоз кард. Дар маросими ифтитоҳи он сафири Русия дар Тоҷикистон Семён Григорьев, роҳбари намояндагии Россотрудничество дар ҷумҳурӣ Иван Иванов, намояндагони муассисаҳои таълимии Қазоқистон, Тоҷикистон ва Узбакистон ширкат доштанд, хабар медиҳад мухбири ТАСС.
Дар ҳамоиш зиёда аз 300 нафар директорону омӯзгорон, методистҳо ва коршиносони мактабҳо гирди ҳам омада, дар давоми се рӯз масъалаҳои мубрами соҳаи маорифро баррасӣ мекунанд. Шунавандагони форум дар дарсҳои маҳорат, мизҳои мудаввар ва барномаҳои омӯзишии касбӣ иштирок намуда, пас аз он ба онҳо сертификатҳо дода мешаванд.
Сарварони мактабҳо, донишгоҳҳои омӯзгорӣ, нашриётҳо, коршиносон ва беҳтарин омӯзгорони Тоҷикистон, Русия, Қазоқистон, Озарбойҷон, Беларус, Сингапур, Австралия ва Испания суханронӣ хоҳанд кард. Чорабиниро Донишгоҳи биотехнологии Русия (Росбиотех) аз номи Россотрудничество ташкил кардааст.
Дар мактабҳои миёнаи Тоҷикистон забони русӣ ба барномаи таълимии ҳатмӣ шомил шудааст. Гайр аз ин дар республика кариб 40 мактаб бо забони руей ва зиёда аз 150 мактаб бо забони руей ва точикй машгулият дорад. Панҷ мактаби дигари русӣ барои 1200 хонанда, ки аз ҷониби Русия тибқи созишномаи байниҳукуматӣ сохта шудааст, моҳи сентябр ба истифода дода шуд.
