Федератсияи байналмилалии футбол (ФИФА) ба далели суханони беэҳтироми бозигарони тими миллии Аргентина Лионел Месси ва Эмилиано Мартинес ба довар Матеу Лаос алайҳи Ассотсиатсияи футболи Аргентина парванда боз кардааст. Дар ин бора нашрияи Mundo Deportivo менависад.
Лаос бозии 1/4 ниҳоии Ҷоми ҷаҳониро миёни дастаҳои мунтахаби Аргентина ва Ҳолланд доварӣ кард. Дар рафти вохӯрӣ довар ба бозигарон ва мураббиёни дастаҳо 17 корти зард ва як корти сурх нишон дод. Қобили зикр аст, ки Дензел Дамфриси голландӣ ҳангоми зарбаи пеналтӣ аз майдон хориҷ карда шуд.
Бар асоси ин мавод, дарвозабони тими миллии Аргентина Мартинес Лаосро бадтарин довари мусобиқот номидааст. Дар навбати худ, Месси қайд кард, ки сатҳи довар ба бозӣ мувофиқат намекунад.
Илова бар ин, ФИФА зарбаи Леандро Паредес ба сӯйи курсии Голландия ва рафтори иғвоангези Николас Отамендиро ҳангоми таҷлили пирӯзии Аргентина дар зарбаҳои пеналтӣ баррасӣ хоҳад кард.
АКС: аз манбаъҳои кушода
