Футболбоз Лионел Месси беҳтарин бозигари бозии чаҳорякниҳоии Ҷоми ҷаҳонии 2022 миёни Аргентина ва Ҳолланд дониста шуд.
Бозӣ шаби 10 декабр ба анҷом расид. Вақти асосӣ ва изофӣ мусовӣ – 2:2 анҷом ёфт.
Футболбози аргентинӣ Науэл Молина дар дақиқаи 35-ум ва Месси дар 73-юм гол заданд. Дар дақиқаи 83-юм голро бозигари тими миллии Ҳолланд Воут Вегорст ба самар расонд. Ӯ дар дақиқаи 90+11-уми бозӣ низ гол зад.
Дар зарбаҳои пеналтӣ аргентиниҳо пурқувваттар буданд – 4:3.
Илова бар ин, Месси голи 10-уми худро дар Ҷоми Ҷаҳон дар ин бозӣ зад. Ҳамин тариқ, футболбоз аз рӯи шумораи голҳои тими миллии Аргентина дар Ҷоми ҷаҳонии футбол ба Габриэл Батистута расид.
