29 ноябр зимни ҷаласаи Ҳукумати Ҷумҳурии Тоҷикистон таҳти раёсати Президенти Ҷумҳурии Тоҷикистон, Раиси Ҳукумати кишвар муҳтарам Эмомалӣ Раҳмон «Барномаи рушди синамои Ҷумҳурии Тоҷикистон Тоҷикистон барои солҳои 2023-2027” баррасӣ ва қабул гардид.
Муассисаи давлатии «Тоҷикфилм» бо дарназардошти вазъи воқеии соҳа, раванди ҷаҳонишавӣ ва татбиқи муқаррароти «Барномаи рушди синамои Ҷумҳурии Тоҷикистон барои солҳои 2023-2027» лоиҳаи «Барномаи рушди синамои Ҷумҳурии Тоҷикистон барои солҳои 2023-2027»-ро таҳия кардааст. Қонуни Ҷумҳурии Тоҷикистон «Дар бораи синамо» мутобиқи Стратегияи миллии рушди Ҷумҳурии Тоҷикистон барои давраи то соли 2030, Протоколи ҷаласаи Шӯрои давлатии рушди кинематографияи миллӣ, ҳадафҳо ва вазифаҳои оинномавии татбиқи сиёсати давлатӣ дар соҳаи кино ва тамоюлҳои инъикоси фарҳангу худшиносии миллӣ. Мақсади синамои миллӣ ҳамчун санъати маъмултарин тарғибу ташвиқи мафкураи давлатдорӣ, дастовардҳои даврони истиқлолият, таъриху фарҳанг, анъана ва расму оинҳои миллати тоҷик дар замони ҷаҳонишавӣ мебошад.
Маблағгузории чорабиниҳои барнома аз ҳисоби буҷети давлатӣ, маблағҳои Муассисаи давлатии «Тоҷикфилм», шарикии давлатӣ ва хусусӣ, инчунин аз дигар манбаъҳое, ки қонунгузории Ҷумҳурии Тоҷикистон манъ накардааст, амалӣ карда мешавад.
