Ҷаласаи навбатии гурӯҳҳои кории топографии ҳайатҳои ҳукуматии Тоҷикистон ва Қирғизистон оид ба делимитатсия ва аломатгузории марзи Тоҷикистону Қирғизистон баргузор шуд.
Бино ба иттилои департаменти иттилооти Вазорати корҳои хориҷии Тоҷикистон, ҷаласаи навбатии гурӯҳҳои топографӣ аз 1 то 6 декабри соли равон дар шаҳри Бодканд баргузор шуд.
Дар ҷараёни мулоқот ҷонибҳо тавсифи тарҳи гузаргоҳи хати сарҳади давлатии Тоҷикистону Қирғизистонро бо дарозии умумии 17,66 километр анҷом доданд.
Барои идомаи кор ҷонибҳо нақша-ҷадвали вохӯриҳо барои соли 2023-ро ба мувофиқа расониданд.
Мулоқоти навбатии ҷонибҳо дар қаламрави Ҷумҳурии Тоҷикистон баргузор мешавад, гуфта мешавад дар хабари вазорати корҳои хориҷӣ.
