Ба иттилои Агентии обуҳавошиносии кишвар, дар Тоҷикистон то 9-уми декабр сардии шадид дар назар аст, борон дар водиҳо ба барф мубаддал мешавад, дар доманакӯҳҳо ва кӯҳҳо барфи зиёд меборад. Дар водиҳо ва ноҳияҳои доманакӯҳӣ ҳарорати рӯз то 5 дараҷа гарм мешавад.
Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар робита ба пешгӯии бад шудани обу ҳаво аз шаҳрвандон ва меҳмонони кишвар хоҳиш мекунад, ки ҳангоми истифода аз гармкунакҳои барқӣ қоидаҳои бехатарии сӯхторро риоя намуда, нерӯи барқро сарфа намоянд.
Ба ронандагон бо мақсади таъмини бехатарии ҳаракат дар роҳ, бахусус ҳангоми истифодаи роҳҳои кӯҳӣ ва ағбаҳо тавсия дода мешавад, ки қобилияти корношоямии мошинҳоро тафтиш намуда, чархҳои зимистониро иваз намуда, мошинҳои вазнинро бо занҷирҳои барфӣ, шамолкашӣ муҷаҳҳаз созанд ва аптечкаҳои ёрии таъҷилии тиббиро дар дохили мошинҳо нав кунанд.
Коидахои харакати рохро шабона ва дар китъахои алохидаи рох бо эхтимолияти фаромадани тарма ва сангрезахо риоя кардан зарур аст.
Илова бар ин, КҲФ ба шаҳрвандон тавсия медиҳад, ки бомҳоро аз барф тоза кунанд ва мошинҳоро зери дарахт нагузоранд.
АКС: аз манбаъҳои кушода
