Эдвард Сноуден, корманди собиқи хадамоти иктишофии ИМА, шиносномаи Русияро гирифт ва савганд ёд кард, хабар медиҳад РИА Новости бо такя ба вакили мудофеъ Анатолий Кучерена.
Вай афзуд, ҳамсараш низ барои гирифтани шиносномаи Русия омодагӣ мегирад. Вакил ҳамчунин қайд кард, ки ӯро як рӯз пеш дидааст ва гуфтааст, ки Сноуден хуб аст.
Сноуден моҳи сентябри соли ҷорӣ шаҳрвандии Русияро гирифт. Ӯ гуфт, бо ин роҳ хонаводааш субот пайдо кардааст.
Эдвард Сноуден, корманди собиқи Ожонси амнияти миллии Амрико дар соли 2013 ба расонаҳо дар бораи шеваҳои назорати электронии ниҳодҳои истихборотии Амрико ва Бритониё иттилоъ дода буд. Дар ҳуҷҷатҳо маълумоте мавҷуд буд, ки хадамот маълумоти шахсии шаҳрвандони худро ба ҳамдигар интиқол медиҳанд.
Сноуден барои пинҳон шудан аз таъқиби мақомоти Амрико аз чанд кишвар дархости паноҳандагӣ кард. Дар натиҷа, дар соли 2014 ӯ иҷозаи иқомат дар Русия гирифт ва баъдан ба ӯ ҳаққи будубоши номуайян дар қаламрави Русия дода шуд.
.
