Ҳамасола 3 декабр дар ҷаҳон Рӯзи байналмилалии маъюбон таҷлил мешавад. Он аз ҷониби Ассамблеяи Генералии Созмони Милали Муттаҳид (ГА СММ) 14 октябри соли 1992 эълон шудааст.
То 1 октябри соли 2022 дар ҷумҳурӣ 159 526 нафар маъюбон ба қайд гирифта шудаанд, ки 32 180 нафарашон кӯдакон мебошанд, гуфт сардори Раёсати ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Қудратулло Қурбонов. Точикистон. Дар ин бора ба АМИТ «Ховар» хабар медиҳад.
Дар соли 2022 аз марказҳои хизматрасонии иҷтимоӣ ба 15 ҳазору 800 нафар маъюбон ва шахсони камбизоат, аз ҷумла 7 ҳазору 191 нафар кӯдакони имконияташон маҳдуд хизматрасониҳои гуногуни иҷтимоӣ, инчунин реабилитацияи ҷисмонӣ ва равонӣ расонида шуданд.
Дар соли 2022 ба 4153 табақаҳои гуногуни эҳтиёҷманд хизматрасонии протезию ортопедӣ расонида шуд. 1425 нафар маъюбон бо аробача таъмин карда шудаанд. Дар маҷмӯъ ба 7418 нафар маъюбон, аз ҷумла 927 нафар кӯдакони имконияташон маҳдуд хизмат расонида шуд.
Ёдовар мешавем, ки Ҳукумати Ҷумҳурии Тоҷикистон ҳамчунин барномаи давлатии «Муҳити дастрас»-ро қабул кард, ки асосан ба баланд бардоштани сатҳи зиндагии шаҳрвандони имконияташон маҳдуд равона шудааст. Ин раванд дар тӯли панҷ соли оянда (2021-2025) амалӣ хоҳад шуд.
