Ҷаласаи навбатии гурӯҳҳои кории Комиссияи муштараки демаркатсияи Тоҷикистону Узбакистон баргузор шуд. Дар ин бора департаменти иттилооти Вазорати корҳои хориҷии Ҷумҳурии Точикистон хабар медиҳад.
Гуфта мешавад, ки аз 23 то 30 ноябр дар Душанбе мулоқоти намояндагони ҳайатҳои ду кишвари ҳамсоя баргузор шуд. Дар мулоқот ҷонибҳо масъалаи таъйини марзи давлатии Тоҷикистону Узбакистонро баррасӣ карданд.
Зимнан зикр гардид, ки музокироти навбатӣ дар ояндаи наздик дар қаламрави Узбакистон баргузор мешавад.
Ёдовар мешавем, ки моҳи октябри соли ҷорӣ чунин нишаст дар қаламрави Узбакистон дар Намангон баргузор шуда, пас аз анҷоми он протоколи дахлдор аз ҷониби гурӯҳҳои кории ҳарду кишвар ба тасвиб расида буд. Манбаъ АМИТ «Ховар».
АКС: аз манбаъҳои кушода
