Мақомоти Амрико аз хабарҳо дар бораи аз байн бурдани раҳбари «Давлати исломӣ» (ДОИШ, як созмони террористӣ дар Тоҷикистон мамнӯъ) Абулҳасан ал-Ҳошимӣ ал-Қурайш истиқбол мекунанд. Дар ин бора сухангӯи Кохи Сафед Ҷон Кирби изҳор дошт, хабар медиҳад РИА Новости.
«Мо ин паёмҳоро дидем ва бешубҳа истиқбол мекунем. Дар рӯи замин як раҳбари ДОИШ камтар аст», гуфт ӯ зимни брифинг.
Кирби пурсида шуд, ки оё Вашингтон метавонад марги раҳбари ин созмонро тасдиқ кунад? Дар посух вай гуфт, ки Кохи Сафед дар ин бора маълумоти дигар надорад.
Рӯзи чаҳоршанбеи 30 ноябр хабаргузории Reuters аз барҳам додани Абулҳасан ал-Ҳошимӣ ал-Қурайш хабар дод. Раҳбари барҳамхӯрдаи созмони террористӣ 45 сол дошт. Раҳбари нави ин гурӯҳ, бино ба гузоришҳои расонаҳо, Абулҳусайн ал-Ҳусайнӣ ал-Курошӣ будааст.
