Рӯзи 30 ноябр консерти идона баргузор гардид, ки ба 5-умин солгарди таъсиси бахши Хоҷанди намояндагии Россотрудничество бахшида шудааст.
Зиёда аз 550 нафар тамошобиноне, ки дар толори консертии Кохи Рӯдакӣ ҷамъ омада буданд, раиси идораи Россотрудничество дар Тоҷикистон Иван Иванов истиқбол гирифт. Номбурда зикр кард, ки фаъолияти касбии худро дар кишвар дар Хуҷанд аз лаҳзаи ифтитоҳи Хонаи русҳо дар маркази маъмурии вилояти Суғд оғоз кардааст.
Иван Сергеевич ба шарикон ва дустони худ миннатдории калон баён кард: «Дар давоми солхо аз Хонаи рус шумораи зиёди бачагону наврасон гузаштанд. Аксари онҳо ҳоло дар донишгоҳҳои Русия таҳсил мекунанд, иддае дар хориҷа мондаанд, иддае аллакай таҳсилро тамом карда, ба ватан баргаштаанд. Барои мо мукофот ва шарафи бузург аст, ки шумо фарзандони худ ва ояндаи онҳоро ба мо бовар мекунед».
Консул-мушовири консулгарии генералии Русия дар шаҳри Хуҷанд Максим Кобзар табрикоти Консули генералии Федератсияи Русия Андрей Варламовро қироат намуда, аҳамияти фаъолияти марказро барои сокинони шаҳр таъкид намуд. Максим Феликсович таманно кард, ки Хонаи русҳо макони ҷалби мардуми эҷодкор, бомаърифат ва ташналаб боқӣ монад, пули дӯстии шаҳрвандони Русия ва Тоҷикистон бошад.
Сардори Раёсати фарҳанги вилояти Суғд Бахтиёр Қосимов зимни суханронии табрикотии худ қайд намуд: «Хонаи русӣ дар ташаккули сифатии неруи фарҳангӣ ва зеҳнии вилояти мо, ба макони рушди шахсияти ҷавонон табдил ёфтан саҳми бузург дорад, хар касе, ки орзую идеяхои эчодии худро амалй гардондан мехохад».
Баъд хозирон фильми хуччатиро дар бораи фаъолияти «Хонаи русхо» дар давоми панч сол тамошо карданд. Барномаи консертӣ бо табрикоти асили мусиқии омӯзгорону хонандагони мактабҳои вилояти Суғд, рақамҳои дурахшони суруду рақси ҳунармандони «Кохи Рӯдакӣ» ва гурӯҳи «Осиё» идома ёфт.
Сюрпризи гуворо барои тамоми кормандони Хонаи русҳо дар шаҳри Хуҷанд табрикоти омӯзгорони рус буд, ки ба роҳбари марказ Роман Масан ва кормандон барои кору меҳмоннавозӣ изҳори сипос намуданд.
