Якуми декабри соли 2022 ТУТ дар якҷоягӣ бо шарикон Рӯзи умумиҷаҳонии мубориза бо СПИДро таҳти шиори «Баробар кардан» ҷашн мегирад. ТУТ аз раҳбарон ва шаҳрвандони ҷаҳон даъват мекунад, ки нобаробарӣ, ки пешрафтро дар самти хотима додан ба СПИД бозмедоранд ва баробар кардани дастрасӣ ба хидматрасониҳои асосии ВИЧ қатъиян эътироф ва бартараф кунанд.
Тибқи маълумоти Созмони Ҷаҳонии Беҳдошт, шумори ҷаҳонии гирифторони ВИЧ дар соли 2021 38,4 миллион нафар буда, аз оғози эпидемия 40,1 миллион нафар бар асари бемориҳои марбут ба СПИД фавтидаанд.
Қобили зикр аст, ки дар Тоҷикистон мунтазам чорабиниҳои васеъмиқёси иттилоотӣ, аксияҳо, мизҳои мудаввар ва машваратҳо оид ба ташаккули тарзи ҳаёти солим ва пешгирии вируси норасоии масунияти бадан доир мегарданд.
Тайи солҳои ахир дар Тоҷикистон рӯзи 1-уми декабр маъракаҳои мухталифи иттилоотӣ-пешгирикунанда, семинарҳо ва дигар чорабиниҳо баргузор мешаванд, ки ҳадафи онҳо баланд бардоштани сатҳи огоҳии аҳолӣ аз бемории ВИЧ мебошад.
