Рӯзи чаҳоршанбеи 30 ноябр дар шаҳри Кветта, маркази вилояти Балуҷистони Покистон як ҳамлаи террористӣ рух дод. Дар ин бора хабаргузории Reuters хабар додааст.
Дар ҳамла як афсари пулиси маҳаллӣ ва як кӯдак кушта шуданд. Илова бар ин, 24 нафар ҷароҳатҳои гуногуни ҷисмонӣ бардоштаанд. Дар миёни қурбониён 15 корманди ҳифзи ҳуқуқ низ буданд.
Ба навиштаи рӯзнома, таркишро як бомбгузори маргталаб анҷом додааст. Ӯ дар наздикии маҳалли моякӯбии фалаҷи атфол, ки онро пулис посбонӣ мекард, маводи таркандаи худсохтро мунфаҷир кардааст.
Айни замон дар ҷои ҳодиса хадамоти таъҷилӣ фаъолият доранд. Ҳодисаи рухдода таҳқиқ мешавад.
