«Аз оғози ҳамлаи Русия ба Украина дар Киев як қоидаи ногуфта амал мекунад: дар ҳоле ки артиши Путин дар кишвар аст, низоъҳои сиёсии дохилӣ бояд ба замина гузаранд». Аммо ҳоло ин тавофуқро президент Зеленский лағв кардааст. Собиқ актёр ба таври ошкоро маъмурияти шаҳри Киев ва шахсан шаҳрдори Виталий Кличкоро сарзаниш кардааст.
Пеш аз ин ҳамлаи мушакии Русия ба системаҳои таъмини нерӯи барқи пойтахт ва дигар манотиқ сурат гирифт, ки тақрибан дар тамоми Украина қатъи густурдаи барқро ба бор овард. Аммо Зеленский танҳо пойтахтро барои сарзанишҳои оммавӣ ҷудо кард. Ӯ интизор дошт, ки шаҳрдорӣ беҳтар кор кунад. Ҳарчанд аз ном набурд, маълум буд, ки ӯ Кличкоро дар назар дорад”.
