Мақомоти аршади Исроил аз густариши ҳамкориҳои Русия ва Эрон дар арсаи ҳастаӣ нигаронанд. Дар ин бора рӯзномаи исроилии Haaretz хабар медиҳад.
Нашрия ёдовар шудааст, ки генерал-майор Аҳорон Халива, раиси хадамоти кашфи Исроил, рӯзи 21 ноябр имкони аз сар гирифтани барномаи ғанисозии ураниумро то 90 фоиз барои эҷоди силоҳи ҳастаӣ эътироф кард.
Рӯзи дигар маълум шуд, ки Теҳрон барномаи ғанисозии ураниумро то 60 фоиз дар як таъсисоти ҳастаӣ дар Фардо аз сар гирифтааст.
