Додгоҳи ноҳияи Вахитовскийи Қазон Шамсидин Бурҳонзода, шаҳрванди 27-солаи Тоҷикистонро, ки дар бозори «Привоз» ғайриқонунӣ кор мекард, ба боздоштгоҳи муваққатӣ фиристод. Ӯ бо иттиҳоми терроризм боздошт шуд.
Ин мард ба омодагӣ ба ширкат дар фаъолияти созмони террористӣ муттаҳам мешавад.
Нисбати ӯ рӯзи 21 ноябр парвандаи ҷиноӣ боз шуда, аллакай рӯзи 22 ноябр Бурхонзода боздошт шуда буд. Айбдоршаванда ба гуноҳаш иқрор шуд. Худи ӯ ҳамагӣ се сол мешавад, ки дар Русия ба сар мебарад, аммо бидуни сабти ном ва ғайрирасмӣ кор мекунад.
ФСБ иддао дорад, ки аз 1 май то 1 сентябри соли 2022 Бурхонзода бо аъзои ДОИШ* (дар Федератсияи Русия ва Ҷумҳурии Тотористон ҳамчун созмони террористӣ эътироф шудааст) тамос гирифтааст. Ҳангоми мукотиба дар «Одноклассники» ӯ изҳори хоҳиш кардааст, ки ба Идлиб таҳти назорати ин созмони мамнӯъ дар Сурия рафта, дар амалҳои ғайриқонунӣ ширкат кунад.
Минбаъд Бурҳонзода бо афроди ношинос дар масири ҳаракат ва шароити расидан ба ҳадаф кор мекард, вале моҳи сентябри соли ҷорӣ аз ҷониби пулис барои нақзи қонуни муҳоҷират боздошт шудааст. Бурҳонзода то рӯзи 22 ноябр дар боздоштгоҳи муваққатии шаҳрвандони хориҷӣ ба сар бурд ва баъд аз он мақомоти қудратӣ даст доштани ӯро дар ин ҷиноят гумонбар карданд.
Муфаттиш дархост кардааст, ки муҳоҷир то 21 январи соли 2023 дар ҳабс нигоҳ дошта шавад. Ӯ аз рӯи моддаи «тайёрӣ ба ширкат дар фаъолияти созмони террористӣ» муттаҳам мешавад. Тафтишот ҳамчунин илова кардааст, ки шаҳрванди хориҷӣ метавонад ба ҷиноят идома диҳад, шариконро огоҳ кунад ва далелҳоро нест кунад.
Айбдоршаванда бо дархости муфаттишон розӣ шуд. Вакили муҳоҷир аз додгоҳ хостааст, ки ба далели надоштани доғи судӣ ҷазоро сабуктар кунад. Додгоҳ дархостро қонеъ кард.
Додгоҳи Қазон як муҳоҷири тоҷикро, ки мехост ба сафи ҷангҷӯёни ДИИШ* бипайвандад, ба боздоштгоҳи муваққатӣ фиристод
