Сарвазири Арманистон Никол Пашинян аз имзои тарҳи эъломияи Шӯрои амнияти дастаҷамъии СПАД ва тарҳи иқдомоти муштарак барои кумак ба Арманистон худдорӣ кард. Ба гуфтаи ӯ, аз 17 ҳуҷҷати омодашуда дутоаш барои баррасӣ фиристода шуд, хабар медиҳад РБК.
«Мо вохӯрии худро дар доираи маҳдуд анҷом додем. 17 лоихаи карор пешниход карда шуд. То ба 15-ум мо як консенсус дорем. Ду лоиҳа барои таҷдиди назар фиристода шуданд”, — гуфт Пашинян.
Дмитрий Песков, котиби матбуотии раисиҷумҳури Русия, гуфт, Арманистон ҳатман дар СПАД боқӣ хоҳад монд, бо вуҷуди он ки на ҳама чиз ба мувофиқа расида буд. Ба гуфтаи ӯ, «СПАД дар талабот ва зарур аст». Ба гуфтаи ин мақоми Кремл, Русия ҳамчунон дар раванди созиши Арманистону Озарбойҷон нақши муҳим дорад ва кумакашро идома медиҳад.
«Ин мавзӯъ хеле ошкоро, мустақиман, конструктивӣ баррасӣ шуд. Ҳанӯз ҳама чиз ба мувофиқа расида нашудааст, нозукиҳои муайян вуҷуд дорад», гуфт Песков ва қайд кард, ки ин мавзӯъ дар “рӯзнома” қарор дорад.
Рӯзи чаҳоршанбе 23 ноябр дар Ереван нишасти сарони кишварҳои СПАД баргузор шуд, ки дар он раисиҷумҳурии Русия Владимир Путин ва сарвазири Арманистон Никол Пашинян ширкат доштанд. Сарони кишварҳо масъалаи тамдиди рисолати посдори сулҳ дар Арманистон ва ҳамчунин сарнавишти паймони сулҳи Арманистону Озарбойҷонро баррасӣ карданд.
Акс: kremlin
Пашинян тарҳи эъломияи СПАД дар бораи кумак ба Арманистонро имзо накард
