Созмони Паймони Амнияти Дастаҷамъӣ (СПАД) омодааст, барои ба эътидол овардани вазъ дар марзи Қирғизистону Тоҷикистон мусоидат кунад. Дар ин бора рӯзи чаҳоршанбе дабири кулли СПАД Станислав Зас дар нишасти муштараки Шӯрои вазирони хориҷа, Шӯрои вазирони дифоъ ва Кумитаи котибони шӯроҳои амнияти СПАД изҳор дошт.
Ҳамчунин, ба гуфтаи Зас, дар минтақа «хатари густариши фаъолиятҳои террористӣ, қочоқи ғайриқонунии силоҳ ва маводи мухаддир аз Афғонистон дар қаламрави кишварҳои узви СПАД вуҷуд дорад.»
Дар робита ба ин, «масъалаи таҳкими амнияти марзӣ дар марзи Тоҷикистону Афғонистон аз мадди назар дур намемонад», – гуфт ӯ.
Созмони Паймони Амнияти Дастаҷамъӣ омода аст барои ба эътидол овардани вазъ дар марзи Тоҷикистону Қирғизистон кумак кунад.
