Додгоҳи олии Бритониё иҷозаи баргузории як раъйпурсии нави истиқлол ба Шотландияро бидуни ризоияти ҳукумати Бритониё надод. Дар ин бора рӯзи чаҳоршанбеи 23 ноябр раиси Додгоҳи олӣ лорд Роберт Ҷон Рид зимни қироати қарори додгоҳ хабар дод.
«Дод якдилона ба хулосае омад, ки парлумони Шотландия салоҳияти қабули қонун барои (гузаронидани) референдуми истиқлолияти Шотландияро надорад», — гуфт ӯ.
Пештар аз ин, рӯзи 21 октябр, Никола Стерджен, вазири аввали автономия гуфт, бӯҳрони ҳукуматӣ дар Бритониё ва мубориза барои қудрат дар дохили ҳизби ҳокими муҳофизакор далелҳоро ба манфиати истиқлоли Шотландия тақвият медиҳанд. Ин эъломия як рӯз баъд аз эълони истеъфои собиқ сарвазири Бритониё Лиз Трасс пахш шуд.
Рӯзи 28 июн вазири аввал эълон кард, ки нияти баргузории ҳамапурсӣ оид ба истиқлолияти Шотландияро дар моҳи сентябри соли 2023 дорад.
Соли 2014 дар Шотландия раъйпурсии истиқлолият баргузор шуд. Баъдан беш аз 55 дарсади сокинони минтақа барои боқӣ мондан дар ҳайати Британия овоз доданд. Имсол мақомот раъйпурсии навро пешниҳод карданд, зеро баъд аз раъйпурсии охирин Бритониё аз Иттиҳоди Аврупо хориҷ шуд. Шотландиҳо бояд тасмим гиранд, ки дар ин вазъият як қисми Шоҳигарии Муттаҳида боқӣ монанд, қайд карданд онҳо.
Додгоҳи олии Бритониё аз баргузории ҳамапурсии истиқлоли Шотландия худдорӣ кард
