Тибқи маълумоти оморӣ, то оғози моҳи ноябри соли равон дар ҳамаи шаклҳои хоҷагидории ҷумҳурӣ 2304,4 тонна моҳӣ истеҳсол карда шудааст, ки нисбат ба ҳамин давраи соли гузашта 456,9 тонна зиёд мебошад.
Тавре аз Вазорати кишоварзии мамлакат иттилоъ доданд, дар айни замон дар ҷумҳурӣ 372 адад хоҷагиҳои моҳипарварӣ дар масоҳати 2744 гектар фаъолият доранд, ки нисбат ба ҳамин давраи соли гузашта миқдори хоҷагиҳо 9 адад ва масоҳати ҳавзҳои моҳипарварӣ 29 гектар зиёд мебошад.
Бояд гуфт, ки дар мамлакат «Барномаи рушди соҳаи моҳипарварӣ дар Ҷумҳурии Тоҷикистон барои солҳои 2018 – 2022» дар ҳоли анҷом қарор дорад. Ин барнома ба рушди соҳаи моҳипарварӣ дар Тоҷикистон заминаи мусоид фароҳам овард.
Ба гуфти мутахассисон, рушди соҳаи моҳидорӣ талаботи замон буда, ба буҷети мамлакат даромади калон меорад. Моҳиҳои истеҳсоли Тоҷикистон дар ҷаҳон аз ҷиҳати сифат серхаридоранд.
Дар Тоҷикистон 372 адад хоҷагиҳои моҳипарварӣ фаъолият мекунанд
