Рӯзномаи «AGEFI Luxembourg» матлаберо дар бораи ташаббусҳои ҷаҳонии Пешвои миллат Эмомалӣ Раҳмон дар ҳалли мушкилоти об нашр кардааст.
Ба иттилои Вазорати корҳои хориҷӣ, бо мақсади баланд бардоштани сатҳи огоҳӣ ва ҷалби бештари ҷонибҳои манфиатдори Люксембург барои иштирок дар Конфронси СММ оид ба баррасии ҳамаҷонибаи Ҳадафҳои миёнамуҳлати Даҳсолаи байналмилалии амал «Об барои рушди устувор, солҳои 2018-2028», шумораи навбатии бюллетени бонуфузи AGEFI Luxembourg матлаби Сафири Ҷумҳурии Тоҷикистон дар кишварҳои Бенилюкс Эркинхон Раҳматуллозода таҳти унвони «Кӯшиш ва амалҳои амалии Тоҷикистон дар ҳалли мушкилоти об» ба табъ расид.
Дар мақола ташаббусҳои ҷаҳонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соҳаи об ва аҳамияти онҳо дар ҳалли мушкилоти ҷаҳонии об таъкид шудааст. Дар ҳамин ҳол, аҳамияти иқдоми нави кишвар дар заминаи ҳифзи пиряхҳо ва таъсиси Хазинаи байналмилалии ҳифзи пиряхҳо таъкид шудааст.
«AGEFI Luxembourg» дар бораи ташаббусҳои ҷаҳонии Эмомалӣ Раҳмон дар ҳалли мушкилоти об.
